உடன் பிறவா சகோதரிக்காக...

Small dedication to Br Shameez

மே மாதம் அவதரித்த

மேன்மையான சகோதரியே..

மென்மையான உனையிழந்து

மெழுகாக உருகுகின்றான்....!!!

வாழ்ந்திடுவாய் நெடுங்காலமென

வானளவு நினைத்திருந்தான்

வாழ்நாள்தனை பாதியிலே

வாழாதிங்கு மடிந்தாயே...!!!

ஏங்கியதே எனது உள்ளம்

மூல்கியதே கண்ணீரில் வெள்ளம்

உடன் பிறவா சகோதரிக்காய்

உளமாற நெருடுது நெஞ்சம்..!!

எண்ணவில்லை கணமேனும்

எழவுமில்லை துளியேனும்

பாதியிலே அறுத்தெரிந்து

பரலோகம் செல்வாயென...!!!

உன்தம்பி இங்கிருக்க 

உனக்காக வாழ்ந்திருக்க

விண்ணுலக அழைப்பையேற்று

விரைந்து விட்டாய் விடையேயின்றி...!!

இவ்வுலகில் இறக்கும் மட்டும்

உன்நினைவுகள் சமீஸை தட்டும்

உன்போலொரு உடன்பிறப்பு

எப்போதினி அவன் வாழ்வில் கிட்டும்!!

         

                                   - sironmany -

                                    F M RozAan