😢😢துரோகத்தின் வலி😢😢

 😢😢*துரோகத்தின் வலி*😢😢

களை இழந்து கலை இழந்து

சேர்த்த செல்வம் அனைத்துமிழந்து

மனை இழந்து உறவிழந்து

சுற்றுச் சூழல் ஏதுமிழந்து...,

தாய் மண்ணை இழந்து

தாய்நாட்டினுல்  அடையாளமிழந்து

தரணி போற்றும் பண்பாடுமிழந்து

தன்மானத்தையும் அன்று இழந்து நின்றோம்

கைவிரி கோலமாய்  நாங்களே

கைகளில் குழந்தைகளை ஏந்தியே....

கண்களில் கண்ணீரும் பொங்கவே

அரவணைக்கும் உள்ளங்களை தேடியே...

உடுத்திய  உடுப்புடன் சிதைந்து நின்றோம்

உறங்காத விழிகளுடன் கலங்கி நின்றோம்

நாளைய தீர்ப்பினில் நம்பிக்கைகொண்டு

நாட்களை இன்றுவரை நகர்த்தி வந்தோம்.

விடியல்கள் இன்றுவரை பிறக்கலையே

விதவைக்கோலம் யாழிலின்னும் மாறலையே

விஷமிகளின் விருந்தான யாழ்சமூகம்

விக்கியின்றும் கண்ணீரினில் மூழ்குதய்யா...!

முப்பது வருடங்களை கடந்துவிட்டோம்

முதுநிலையை வலியினால் பெற்றுவிட்டோம்

மண்ணினிலே எம்மினம் வாழும் மட்டும்

மன்னித்து விட்டோம்...மறக்க மாட்டோம்.

                                         - sironmany -

                                          F M Rozaan